Takemusu Aikido Intercontinental
მორიჰეი უეშიბასეული ტრადიციული აიკიდოს ჭეშმარიტი ცოდნის გადასაცემად მომავალი თაობებისათვის
ფილიპ ვოარინო – მე-7 დანი
ფილიპ ვოარინომ 1-ლი და მე-2 დანები ნობუიოში ტამურა სენსეისთან მიიღო, მე-3, მე-4, მე-5 და მე-6 დანები კი მორიჰირო საიტო სენსეისგან, ვისთანაც უჩი დეშად იყო ივამაში, ო-სენსეი მორიჰეი უეშიბას დოჯოში.
საიტო სენსეიმ ასევე მიანიჭა აიკი კენისა და აიკი ჯოს ხუთი ტრადიციული მოკუროკუ, სერტიფიკატი, რომელიც ადასტურებს ამ იარაღების ცოდნას აიკიდოს ფარგლებში და რომელიც სწავლების ნებართვას იძლევა.
იგი ერთ-ერთი წევრი და დამფუძნებელია ტაკემუსუ აიკი ინტერკონტინენტალისა, რომლის ამოცანაც 1992 წლიდან აიკიდოს შემქმნელის ორიგინალური სწავლების საერთაშორისო დონის შენარჩუნება და ევროპული ავთენტური და დამოუკიდებელი აიკიდოს გავრცელებაა.
1977-1980
იწყებს აიკიდოს ნიცაში. ხვდება ნობუიოში ტამურას.
1980-1985
კანის აიკი კლუბის მოწაფეა. ხვდება პიერ შასანს. ესწრება ნობუიოში ტამურასა და იოშიმიცუ იამადას მრავალ სემინარს.
1984
ნობუიოში ტამურა აიკიკაის 1-ლ დანს ანიჭებს.
1986
ნობუიოში ტამურა აიკიკაის მე-2 დანს ანიჭებს. ხვდება მორიჰირო საიტოს. ამ დროიდან ხდება უჩი დეში (შიდა მოწაფე) ივამაში.
1989
მორიჰირო საიტო აიკიკაის მე-3 დანს ანიჭებს. მორიჰირო საიტო ანიჭებს აიკი კენისა და აიკი ჯოს 1-ლ, მე-2 და მე-3 მოკუროკუებს. აწყობს მორიჰირო საიტოს პირველ დიდ ტურნეს საფრანგეთში (2 კვირიანს).
1990
მორიჰირო საიტო მე-4 მოკუროკუს ანიჭებს.
1991
მორიჰირო საიტო აიკიკაის მე-4 დანს ანიჭებს. მორიჰირო საიტო მე-5 მოკუროკუს ანიჭებს.
1992
აარსებს ტაკემუსუ აიკი ინტერკონტინენტალს (TAI) პიერ შასანთან, ჟორჟ რუსოსთან და რამდენიმე ივამელ უჩი დეშისთან ერთად.
1995
ენიჭება ივამა რიუს მე-5 დანი მორიჰირო საიტოსგან. ფილიპ ვოარინო უარს ამბობს აიკიკაის ხარისხებზე და აღარ ცნობს ამ ორგანიზაციის ტექნიკურ უზენაესობას.
2001
ენიჭება ივამა რიუს მე-6 დანი მორიჰირო საიტოსგან. ფილიპ ვოარინო მესამე ივამელი მოწაფეა, რომელიც ამ ხარისხს იღებს.
2008
ITAF - International Takemusu Aikido Federation-ის - ტაკემუსუ აიკიდოს საერთაშორისო ფედერაციის დამფუძნებელი წევრია.
2009
ტაკემუსუ აიკი ინტერკონტინენტალის ორგანიზაციის კოლეგია მე-7 დანს ანიჭებს.
საიტო სენსეისთან ერთად
ვარჯიში ივამაში
რუბრიკები
რა არის ტრადიციული აიკიდო?
აიკიდო სპორტი არ არის, ეს საბრძოლო ხელოვნებაა, რომლის კანონებიც (ტაკემუსუ) ჰარმონიაშია სამყაროს კანონებთან. ამ კანონების შესწავლა ეხმარება ადამიანს, მიხვდეს, სადაა მისი ადგილი ამ სამყაროში აიკიდო დაიბადა ივამაში, ო-სენსეიმ ამ სოფელში ტაი ჯიცუს, აიკი კენისა და აიკი ჯოს სინთეზი განახორციელა.
სად ვივარჯიშოთ ტრადიციული აიკიდო?
ტაკემუსუ აიკიდოს საერთაშორისო ფედერაცია (ITAF) მოვარჯიშეს უქმნის სტრუქტურას, რომელიც საშუალებას მისცემს, მუშაობისას არ დაშორდეს აიკიოდოს დამფუძნებლის, მორიჰეი უეშიბას მიერ განსაზღვრულ რეალობას. მისი ოფიციალური ადგილობრივი წარმომადგენლობები დამფუძნებლის მიერ ნაანდერძევი სწავლების სიზუსტეს უზრუნველყოფენ..
აიკიდოში ხმარებული იარაღი, აიკი კენი და აიკი ჯო
თანამედროვე აიკიდოში იარაღი ნაკლებად ან საერთოდ არ ისწავლება. ო-სენსეის აიკიდოში კი პირიქით, აიკი კენი, აიკი ჯო და ტაი ჯიცუ ერთიანობაში ქმნის ისეთ კავშირს, რომელსაც ეწოდება რიაი, ერთ პრინციპზე დამყარებული ჰარმონიული ილეთების ოჯახი. აქ თითოეული ილეთი ყველა სხვა ილეთის გაგებაში ეხმარება.
აიკიდო ბრძოლის ხელოვნებაა თუ მშვიდობისა?
მშვიდობა ადამიანის წონასწორობაა გარესამყაროსთან. ჭეშმარიტი საბრძოლო ხელოვნების მიზანი ის კი არაა, რომ მოწინააღმდეგეზე უფრო ძლიერი გახდე, არამედ იპოვო მეტოქეში საშუალება ამ ჰარმონიის რეალიზებისა, ასეთ შემთხვევაში აღარ არსებობს მტერი, როგორც ასეთი. ასეთ დროს იგი გაძლევს საშუალებას ერთიან კის მიაღწიო.