Takemusu Aikido Intercontinental
მორიჰეი უეშიბასეული ტრადიციული აიკიდოს ჭეშმარიტი ცოდნის გადასაცემად მომავალი თაობებისათვის
შიოდა/საიტო # 3 - შომენ უჩი იონკიო
ფოტოები ამოღებულია გოძო შიოდას წიგნიდან „Dynamic Aikido“.
პუნქტი 1
ისევე, როგორც შომენ უჩი იკიოს დროს, ო-სენსეი, შიოდა და საიტო გვასწავლიან, რომ აქაც ტორი უტევს და უკე თავს იცავს, ნაცვლად იმისა, რასაც საზოგადოდ ასწავლიან დღეს.
პუნქტი 2
ისევე, როგორც შომენ უჩი იკიოს დროს, ო-სენსეი, შიოდა და საიტო გვასწავლიან, რომ ტორიმ აქაც უკანა ფეხის წინ გადადგმამდე უნდა ჩაიყვანოს უკე ძირს. დიდი მნიშვნელობა ენიჭება წინა ფეხის გახსნასაც ჰიტო ე მის სახით უკეს წონასწორობის დასარღვევად და უკანა ფეხის შესატანად.
პუნქტი 3
შიოდა საიტოს მსგავსად ასწავლიდა, რომ უკეს წინამხარი ისე უნდა გვეჭიროს, როგორც ხმალი უჭირავთ, იდაყვით წინ მიმართული.
- კომენტარის გამოსაქვეყნებლად ჩაერთეთ ან დარეგისტრირდით
რუბრიკები
რა არის ტრადიციული აიკიდო?
აიკიდო სპორტი არ არის, ეს საბრძოლო ხელოვნებაა, რომლის კანონებიც (ტაკემუსუ) ჰარმონიაშია სამყაროს კანონებთან. ამ კანონების შესწავლა ეხმარება ადამიანს, მიხვდეს, სადაა მისი ადგილი ამ სამყაროში აიკიდო დაიბადა ივამაში, ო-სენსეიმ ამ სოფელში ტაი ჯიცუს, აიკი კენისა და აიკი ჯოს სინთეზი განახორციელა.
სად ვივარჯიშოთ ტრადიციული აიკიდო?
ტაკემუსუ აიკიდოს საერთაშორისო ფედერაცია (ITAF) მოვარჯიშეს უქმნის სტრუქტურას, რომელიც საშუალებას მისცემს, მუშაობისას არ დაშორდეს აიკიოდოს დამფუძნებლის, მორიჰეი უეშიბას მიერ განსაზღვრულ რეალობას. მისი ოფიციალური ადგილობრივი წარმომადგენლობები დამფუძნებლის მიერ ნაანდერძევი სწავლების სიზუსტეს უზრუნველყოფენ..
აიკიდოში ხმარებული იარაღი, აიკი კენი და აიკი ჯო
თანამედროვე აიკიდოში იარაღი ნაკლებად ან საერთოდ არ ისწავლება. ო-სენსეის აიკიდოში კი პირიქით, აიკი კენი, აიკი ჯო და ტაი ჯიცუ ერთიანობაში ქმნის ისეთ კავშირს, რომელსაც ეწოდება რიაი, ერთ პრინციპზე დამყარებული ჰარმონიული ილეთების ოჯახი. აქ თითოეული ილეთი ყველა სხვა ილეთის გაგებაში ეხმარება.
აიკიდო ბრძოლის ხელოვნებაა თუ მშვიდობისა?
მშვიდობა ადამიანის წონასწორობაა გარესამყაროსთან. ჭეშმარიტი საბრძოლო ხელოვნების მიზანი ის კი არაა, რომ მოწინააღმდეგეზე უფრო ძლიერი გახდე, არამედ იპოვო მეტოქეში საშუალება ამ ჰარმონიის რეალიზებისა, ასეთ შემთხვევაში აღარ არსებობს მტერი, როგორც ასეთი. ასეთ დროს იგი გაძლევს საშუალებას ერთიან კის მიაღწიო.